2010-09-15 在伊斯蘭堡找中國人

2010-09-15 在伊斯蘭堡找中國人
今天一早就起了床因為睡得唔好, 張床硬過我條命所以咪訓得唔好, 六時己起床七時開始就不停打遊記, 因為這裏上不到網呀馬, 所以咪好努力打遊記唔知你們看到前二天遊記寫得特別好呢? 哈哈!
寫好晒所有遊記之後出去食早餐及找中國人餐館, 因為想跟這邊中國人收下風而且看Pazu遊記F7區有中國人餐館所以看看運氣如何, 我是走路過去原Gf 6/4區跟 F7 原來好鬼遠而且F7區也有分F7/1,F7/2等等, 全區都很大架, 只有一個編號很難找, 但我有小智慧我只係問人中國人餐館在那裏就有人答到我啦, F7/2區, 但去到找來找去都唔見中國餐館, 突然在遠處我見到五個類似中國人物體, 立即用最標準國語講”你好呀” 但起初他們聽不清楚而且他們說遠望我都唔知我係中國人, 因為那時我穿藏衣而且帶著帽子所以不像中國人, 但近望當然知道啦, 他們五人是來這邊工作剛沒事做出來閒遊, 那我便問他們知不知道中國餐館位置而且給Pazu網他們看, 他們說知道網上所說那間餐廳, 十方餐廳就已經沒有了, 但張國根的餐廳他們就知在那裏, 原來張生的餐廳己搬了到F6/1區而且己經不只是餐廳還有旅館及其他娛樂設施, 跟著這五個中國人分別二個有車, 我坐他們車子到張先生餐廳, 哇~~~~到了門口怎看都不像一間餐廳, 像一間豪宅多一點而且門口是沒有招牌, 真係我行十次都未必知這裏有間餐廳和旅館。
那二位朋友送我到門口他們說就是這裏, 他們就在隔壁做事件,”喎” 隔壁看來也是豪宅真估不到他們是做什麼工作。
入到去剛開門不久老闆不在但老闆娘就係到, 我點了一個牛肉炒米粉成為350元, 都貴呀, 對於我們這些窮鬼背包客來說係好貴的一餐, 我一個晚餐都係120元左右, 所以係咪好貴呢。去到不久就開始有中國人來食飯但都係各顧各顧而且全部看來都不是來旅遊而是來工作, 所以我也不敢跟他們說話因為每個人入來都自己一張枱, 哇好像說你唔好同我講野呀, 離我也遠所以都係算吧! 結果來到一個中國人餐廳咩風都收唔到, 而且食了一個很貴牛肉炒米粉, 之後我不想再打搆剛才那些中國朋友, 因為他們都是來工作, 算吧!
下午回到旅館跟英國人一起出去吃午餐之後回到旅館做下其他事情, 之後三點就出去上網所以你們應該見到我9月11日至14日都情況, 之後又食晚餐又回旅館咁又一天, 明天就走, 這邊太冇特別野了, 我唔想留在這裏。
還有我在藍區發現一間好靚傢俬店, 而且全部人手做, 哇太靚了真想全部帶走, 但我係有理智的, 我問他們攞了名片, 但冇電郵我問那個人他說他老闆會遲點回來, 所以我可以係咁影傢俬,你們可以在相片集看看真係好靚。