2010-09-12 在Amritsar等待巴基斯坦車子

2010-09-12 在Amritsar等待巴基斯坦車子
今天一早七點起來便去找 International Bus Terminal, 因為作天問路也問過所以大約知道方向, 那就邊行邊問終於行了30分鐘路程就找到, 其實如果唔難路, 唔大塵, 唔需要避開所有污濁物件, 我想15分鐘就到。
終於找到！令我去巴基斯坦信心又大了一點, 但今天是星期日就不會開門辧公,所以我要等明天買車票, 有車立刻走人。
之後去了這邊的Gold Temple 原來是印度朝, 這些資料是那位歐洲女生給我的, 她打印了lonely planet “Amritsar”這區地圖及資料給我, 而且告訴Gold Temple那裏都有很多旅館, 叫我去找找, 但作天因為唔想比當地人騙, 所以唔坐人力車或三輪車, 因為你挪著行理他們一定找你著數, 真係本人多次經驗, 所以我現在挪著行理時,一係跟資料上地方找, 一係自己用腳走走, 冇法啦 !!背抱客總是這樣。
到了這邊不知道是否是旅遊區呢? 很醜的旅館都敢開價500勞幣, 真係啋呿都有味, 講價都嚴晒口水, 那走了一會想找洗手間找來找去都沒有, 我又入印度朝嘗試找洗手間和問人, 結果都係連Toilet 都冇人明！我連手勢都做了都係唔明, 算吧都係要回旅館, 回到旅館去了一個好好廁所, 跟住想再出去找下有冇可以食得落早餐, 結果走來走去, 又大塵現在我成個人都污濁了又要洗澡, 現在是12點我已經唔打算再出外面, 因為外面太污濁。
結果我都受不了一個人獨自在房間這麼悶, 大約二點我又出了去, 你們係咪覺得我打這片文章很奇怪呢, 因為我係分開上下午打的 所以感受比較奇怪, 下午我見地圖上有寫這裏有火車站, 那我想如果去番德里塔火車應該會快一點, 要有二手準備呀馬, 因為再有什麼問題又唔比我入鏡巴國, 那我就*閃*, 因為在印度令我很累, 我都唔明 ”呀剛”(風轉咖啡薯伯伯)點可以係印度留半年, 我一個月都未到我已經身心體力透支了, 我這刻不知多想離開印度回到中國, 也可能在達賴山森住了一個星期(在小天堂日子)突然又回到地獄, 感覺真係好叉, 真係有念過立刻坐飛機走。
但我一再同自己講, 人都出到來好好醜醜都起碼到伊朗, 因為伊朗簽証成947港幣, 好鬼貴點都入下境啦, 而且到伊朗找我最想找的”番紅花”, 西藏叫藏紅花但其實原產地是伊朗, 以我所知西藏係沒有”番紅花”或”藏紅花”生產, 因為氣候和地區都不能生長這種花, 這種”番紅花”在各國家都有不同用法, 如印度會用來做香料加到飯裏, 但只會用很小因為”番紅花”都係一種貴格香料, 而中國一定來用藥, 聽說好像對女人特別好, 但咩好我又唔記啦! 而且鬼死咁貴一兩, 如果我沒有記錯在西藏時問過好像都要600元人仔一兩, 哇~~~~真係同西藏冬虫草有得輝~~。
至於點解咁貴呢?因為”番紅花”其實只要花中間三條花芯, 所以要很多很多花先可以有一兩”番紅花”, 你也可以這樣說其實只要”番紅花”的花芯, 其他就冇用了, 而點解中國會咁貴呢因為中國入口時, 路程較遠需要晒乾方便保存而這些花芯所以會更輕所以需要一兩”番紅花”就要更多花芯, 而我在印度店及和達賴喇山森見過來自”喀叶米爾”的番紅花都是濕濕的, 但我冇興趣買, 我希望能到伊朗原產地看一看這些花芯中黃金。
今天晚上決定再不會出去食塵, 令願又再看之前看過電影, 其實我只有三隻DVD, 有一隻重係達賴山森買的”Seven Years in Tibet 西藏七年”係(北比特)做架, 令外二隻係在香港時帶過來, 一隻係黃子華的Talk Show “越大鑊越快樂, 和令外一隻”月滿軒尼詩”係湯唯及張學友做的, 這二張碟我都睇過三次以上, 我回來香港可能識背這三隻碟。