2010-09-01 德里 - 紅堡及凱旋塔

2010-09-01 德里 - 紅堡及凱旋塔
今天一早起身首先當然係食番個早餐先, 我正在等早餐時有個美國”鬼婆”走到我旅館望來望去, 因為當時只有我一個起來其他”鬼佬”重未訓醒, 所以她就問我這裏如何呀, 安全嗎, 清潔嗎?問鬼死咁多野, 咁我記得我在旅途上都很多人幫過我, 咁我一定都要幫番人。
原來今天才下機, 而且又是第一次及第一天從美國塔飛機來, 咁我跟她說你第一天來很累, 你回房好好休息吧, 但她立刻就問我今天是否出去, 說要跟我一起出去, 其實我都估到都係大鑊。
首先我形容下個”鬼婆”先－我估她年齡四十尾至五十中啦, 身形很肥我估她有二佰珶磅到啦, 好大汗。
我知她想找到個導遊所以拉住我死都唔放, 點解我咁講呢, 請看下文吧。
因為我今天決定明天要去達賴喇山森, 所以我一定要走去先買票,咁我已告訴她因為我只是去近的地方買票, 咁呿咁大件, 我免得她走來走去咁辛苦, 但她真係像”二仔底”死跟, 她說冇所謂一起去行下, 咁去到我又唔記換錢, 咁又要回到我旅館那邊, 我一個點走法我沒有所謂又要帶她走來走去, 你話煩唔煩。
正經事做完可以去紅堡, 因為原本我都係想塔巴士所以我一開始講我會塔巴士, 那我們便塔巴士了, 去到紅堡因為她沒有相機所以我叫她先走不用等我, 我行了很久,影了很多相因為我覺得紅堡真係好漂亮由其所有建築物上花紋手工都係好靚但每次見到這麼漂亮建築就令我想起火車站那個就死的人~~~唉~~~ !!!